புன்னகை செய்

புன்னகை திரும்பி வருமாம்...
ஆயினும் நீ
என் புன்னகையை
திருப்பித் தர மறுக்கிறாய்.

காரணம் தேடுகிறாய்.

யார் இவன்?
எதற்கிந்த புன்னகை?
என்ன இவன் எதிர்பார்ப்பு?

உணர்ந்து கொள்
உன் காரணத் தேடலில்
உன்னத உறவொன்று உருவாகும்
பொக்கிஷ நிமிஷங்கள்
தொலைந்து போகலாம்

புன்னகை
மனிதருக்கு மட்டுமேயான வரம்...

ஆதலினால் அன்பான அன்னியனே
பூட்டிய உதடுகளை திற
கொஞ்சம் அவை விரியட்டும்
கண்களில் கொஞ்சம்
சினேகம் சேரட்டும்

புன்னகை செய்.

எதற்காகவுமல்ல
புன்னகைக்காக புன்னகை செய்.