ஒரு மலர்வனத்தின் மொத்த சுகந்தத்தையும்
சுமந்து கொண்டிருக்கிறது
நீ விட்டுச்சென்ற
மல்லிகையின் ஒற்றையிதழ்
பறந்த பின்னும்
விரல்களில் ஒட்டியிருக்கும்
பட்டாம்பூச்சியின் நிறத் துகள்கள் போல்
உரசிச் சென்ற
உன் தாவணியின் வண்ணங்கள்
என் மேனி எங்கும்
உன் ஓர விழி பாச்சிய
வெளிச்சத்தின் பிரவாகத்தில்
புலர்ந்தே கிடக்கின்றன
என் பொழுதுகள்
ஓயாது ரீங்கரிக்கும்
உன் கொலுசொலியின் நாதத்தில்
கிறங்கிக் கிடக்கின்றன
செவிகள்
நா வறண்ட பின்னும்
நீரருந்த மறுத்து
நீ தந்த தேனீர்ச் சுவையில்
திளைத்திருக்கிறது என் நா
எனதான சித்திரங்கள்
அத்தனையும் அழிக்கப்பட்டு
உன்னுருவம் மட்டுமே
வியாபித்திருக்கிறது
மனவெளியெங்கும்
எனதென்று சொல்ல
எனது உயிரை மட்டுமே
மிச்சம் விட்டாய்
அரை நிமிட அருகாமையில்
உன்னை விட்டுவிட்டு
என்னை எடுத்துச் செல்லும்
மாயவித்தையை
எங்கு கற்றாய்?
- சுப்ரமண்ய செல்வா -
நன்றி: தினகரன் வாரமஞ்சரி (18.11.2018)
சுமந்து கொண்டிருக்கிறது
நீ விட்டுச்சென்ற
மல்லிகையின் ஒற்றையிதழ்
பறந்த பின்னும்
விரல்களில் ஒட்டியிருக்கும்
பட்டாம்பூச்சியின் நிறத் துகள்கள் போல்
உரசிச் சென்ற
உன் தாவணியின் வண்ணங்கள்
என் மேனி எங்கும்
உன் ஓர விழி பாச்சிய
வெளிச்சத்தின் பிரவாகத்தில்
புலர்ந்தே கிடக்கின்றன
என் பொழுதுகள்
ஓயாது ரீங்கரிக்கும்
உன் கொலுசொலியின் நாதத்தில்
கிறங்கிக் கிடக்கின்றன
செவிகள்
நா வறண்ட பின்னும்
நீரருந்த மறுத்து
நீ தந்த தேனீர்ச் சுவையில்
திளைத்திருக்கிறது என் நா
எனதான சித்திரங்கள்
அத்தனையும் அழிக்கப்பட்டு
உன்னுருவம் மட்டுமே
வியாபித்திருக்கிறது
மனவெளியெங்கும்
எனதென்று சொல்ல
எனது உயிரை மட்டுமே
மிச்சம் விட்டாய்
அரை நிமிட அருகாமையில்
உன்னை விட்டுவிட்டு
என்னை எடுத்துச் செல்லும்
மாயவித்தையை
எங்கு கற்றாய்?
- சுப்ரமண்ய செல்வா -
நன்றி: தினகரன் வாரமஞ்சரி (18.11.2018)
கருத்துகள் இல்லை:
கருத்துரையிடுக